Santaziko XI. Menteko eliza erromanikotik abiatüz, San Martiko harriari bürüz joaiten den bidea har ezazüe. Aski fite, Elichagaray etxaltealat heltzen gira. Hantik, eskerrean, xenda hertsi bat abiatzen da. Patar txüt honek, mendian zehar, Mürrütxegaineko kaskoalat (1035 m) eramaiten dü. Han, bista eder batek ibar güzia erakusten deikü (Ehüjarreko arroilak, 1621metra gorako Xuri Püntaz gaintitürik). Iraisteko, sorhoak eta oihan ttipi bat zeharkatzen dütüan erreka bat jarraik ezazüe. Eskerrean den xendalat bürüz üngüra bidekürütxea artino, eta aldi hontan iraits hatsarrean igaran düzüen bidea.